Google Docs-ийн хэрэглээ

Сэдвийн хэрэгцээ

Аливаа баримт бичиг боловсруулах, засварлах ажлыг хэзээ ч, хаанаас ч, ямар ч төхөөрөмж ашиглан хийж гүйцэтгэх хэрэгцээ шаардлага ажил хэрэгч хүмүүсийн өмнө тулгарах болжээ. Төхөөрөмж бүрдээ бичвэр боловсруулах нэмэлт програм суулгалгүйгээр, зөвхөн вэб хөтөч ашиглаж бусадтай хамтран нэгэн зэрэг баримтыг бүтээлчээр хамтран боловсруулах, засварлах боломжийг Google бидэнд олгож байна. Google Docs програмыг ашигласнаар та баримтаа маш хялбараар хамтрагчдадаа болон олон нийтэд хүргэж, тэдний саналыг тусгуулж, баримтаа .docx, .pdf, .odt, .html форматаар татаж авч болно.

Курсын зорилго

Онлайн горимд бичвэр боловсруулах Google Docs програмыг бүрэн ашиглах мэдлэг, ур чадварыг суралцагчдад эзэмшүүлэх

Сургалтын зорилго

• Google Docs гэж юу болохыг мэдэж, түүний давуу талуудыг нэрлэж чаддаг болно.
• Google docs баримт үүсгэж, хэвжүүлж, бүх цэс, хэрэгслүүдийг ашиглаж сурна. Бэлэн загваруудаас сонгож ашиглах дадал чадвартай болно.
• Баримтыг бусадтай дундаа ашиглах, хамгаалах тохиргоонуудыг хийж сурна.
• Баримтад саналаа оруулах, бусдын саналыг авах аргуудыг мэддэг, гүйцэтгэж чаддаг болно.
• Баримт засварласан түүхийг үзэх, өмнөх хувилбаруудаас сэргээх дадал чадварыг эзэмшинэ.
• Баримтад зураг, томъёо, хүснэгт, тусгай тэмдэгт, сэтгэл хөдлөлийн дүрсүүдийг хялбар аргаар оруулж сурна.
• Google Docs-т хэлж бичүүлж, орчуулга хийлгэж чаддаг болно.
• Хөдөлмөр хөнгөвчлөх, баримтын утга болон дизайныг төгөлдөржүүлэх төрөл бүрийн нэмэлт хэрэгслүүдийг хайх, суулгах, ашиглах ур чадварыг эзэмшинэ.
• 50 хүртэл хүнтэй нэгэн зэрэг баримтаа хамтран боловсруулж, засварлаж сурна.